ჟოზე მოურინიომ “მანჩესტერ იუნაიტედთან” ხელშეკრულება გაახანგრძლივა. “წითელი ეშმაკების” ოფიციალური ვებგვერდის ცნობით, პორტუგალიელი სპეციალისტი “ოლდ ტრაფორდზე” 2020 წლამდე იმუშავებს.

54 წლის მწვრთნელმა “მანჩესტერ იუნაიტედი” 2016 წელს ჩაიბარა და მასთან 3+1 წლიან კონტრაქტს მოაწერა ხელი. ახლა კი, ხელშეკრულებაში ჩადებული ეს პუნქტი ამოქმედდა და ჟოზე მანჩესტერულ კლუბს ერთი სეზონით მეტხანს გაწვრთნის.

მოურინიოს ხელმძღვანელობით “იუნაიტედმა” 99 შეხვედრა ჩაატარა, საიდანაც 61 მოიგო, 23 ფრედ ითამაშა და 13-ჯერ დამარცხდა. გასულ სეზონში “წითელმა ეშმაკებმა” ინგლისის ლიგის თასი, ინგლისის სუპერთასი და ევროპა ლიგა მოიგეს.