ჭიდაობა

21:30 | 25.01.2018 | ნანახია 3076 - ჯერ

თავისუფალი სტილით ნაკრები "ივან იარიგინის" გრან-პრიზე იჭიდავებს

26 იანვარს, რუსეთის ქალაქ კრასნოიარსკში სტარტს აიღებს "ივან იარიგინის" სახელობს გრან-პრის გათამაშება რომელიც თავისუფალ ჭიდაობაში UWW-ს ეგიდით პირველი საერთაშორისო სარეიტინგო ტურნირი იქნება.

ნაკრების მთავარმა მწვრთნელმა გიორგი იანტბელიძემ იქ სათადარიგო შემადგენლობა წაიყვანა - ძირითადად ახალგაზრდები და 23-წლამდელთა ნაკრების კანდიდატები, რადგან ლიდერებს ერთი თვის თავზე - 22-25 თებერვალს კიევში გასამართავი დიდი საერთაშორისო ტურნირისთვის ინახავს. ტიტულოვანთაგან გუნდში მხოლოდ ევროპისა და მსოფლიოს პრიზიორი სანდრო ამინაშვილი (86) და ევრიპის 2-გზის ჩემპიონი ახალგაზრდებში, ასევე მსოფლიო ჩემპიონი ჭაბუკებს შორის გივი მაჭარაშვილია (97 კგ). ეს ტურნირი ახალგაზრდებს გამოცდილების მისაღებად კი ძალიან წაადგებათ.

საქართველოს ნაკრები:
61 კგ. თეიმურაზ ვანიშვილი (გორი)
65 კგ. მაგომედ საიდოვი (ყვარელი), ედემი ბოლქვაძე (სამტრედია)
70 კგ. ლევან ქელეხსაშვილი (ხაშური), რამაზან მალაკოევი (ყვარელი)
79 კგ. ტარიელ გაფრინდაშვილი (თბილისი)
86 კგ. სანდრო ამინაშვილი (თბილისი), ზაურ ბერაძე (ხარაგაული)
92 კგ. ნოდარ ეგაძე (გორი)
97 კგ. გივი მაჭარაშვილი (მცხეთა)

ტრადიციულად უძლიერესი შემადგენლობით იასპარეზებს რუსეთის ნაკრები ვისაც სათავეში ოლიმპიური და მსოფლიოს ჩემპიონი აბდულრაშიდ სადულაევი (92 კგ) უდგას, ასევე პირველი შემადგენლობით ჩადის რუსეთში აშშ-ს ნაკრების. თავისი ოლიმპიური ჩემპიონების, ჯეკ უორნერისა (86) და კაილ სნაიდერის (97), მსოფლიოს ჩემპიონ ლოგან სტრიბერის (65) და სხვათა თავკაცობით.

26 იანვარი - 57, 61, 70 კგ
27 იანვარი - 65, 79, 125
28 იანვარი - 74, 86, 92, 97

საქართველოს ჭიდაობის ფედერაციის პრესსამსახური

სარეკლამო ადგილი - 25
710 x 104
Loading...

კომენტარები (0)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
სარეკლამო ადგილი - 23
250 x 500
0.054943