მსოფლიოს ნომერ პირველი ჩოგბურთელი რაფაელ ნადალი ავსტრალიის ღია პირველობის 1/4-ფინალში მარინ ჩილიჩს დაუპირისპირდა.

მატჩის პირველმა სეტმა მოულოდნელობების გარეშე ჩაიარა და რაფამ 6:3 მოიგო. მეორე პარტიაში ესპანელი 3:2 ბრეიკით დაწინაურდა, თუმცა ხორვატმა სასწაული მოახდინა, მალიორკელს ზედიზედ 4 გეიმი მოუგო და ანგარიში გაათანაბრა.

მესამე სეტის ბედი ტაი-ბრეიკმა გადაწყვიტა, რომელიც რაფაელმა 7:5 მოიგო. მეოთხე პარტიაში მოულოდნელად მარინმა იოლად 6:2 იმარჯვა. გადამწყვეტ პერიოდში ჩილიჩი 2:0-ს იგებდა, რა დროსაც ნადალმა ტრავმის გამო შეხვედრა შეწყვიტა და ტურნირს გამოეთიშა.

ჩილიჩი ნახევარფინალში ბრიტანელ კაელ ედმუნდს შეხვდება, რომელმაც თავის მხრივ მეოთხედფინალში გრიგორ დიმიტროვს 6:4, 3:6, 6:3, 6:4 აჯობა.

ბრიტანულ-ბალკანური ნახევარფინალური შეხვედრა 25 იანვარს თბილისის დროით 06:30 საათზეა ჩანიშნული. ურთიერთშეხვედრებში ანგარიში კი 1:1-ია.