პოლონეთის “პოგონმა” ამხანაგურ მატჩში 2:1 სძლია ალბანეთის “ფლამურტარის” და გადამწყვეტი გოლი 88-ე წუთზე ლაშა დვალმა გაიტანა.

საქართველოს ნაკრების 22 წლის მცველმა სრულად ითამაშა ამ შეხვედრაში, რომელშიც სამივე გოლი ბოლო შვიდ წუთში გავიდა. თანაც, 83-ე წუთზე ალბანელები დაწინაურდნენ პენალტით, რომელიც დვალის მიერ წესების დარღვევას მოჰყვა. ბოლოს კი ლაშამ გადამწყვეტი გოლი მიითვალა.