თბილისის “დინამო” ახალი სეზონისთვის მოსამზადებელ პირველ შეკრებას 22 იანვრიდან თურქეთში გაივლის. ქართული გუნდი ქალაქ სიდეში დაბანაკდება.

როგორც კლუბის ოფიციალური ვებგვერდი იტყობინება, თბილისელები შეკრებაზე ოთხ საკონტროლო მატჩს ჩაატარებენ:

26 იანვარს “დინამოს” მეტოქე ლუგანსკის “ზორია” იქნება, 29 იანვარს კახი კაჭარავას გაწვრთნილები ნოვი სონჩის “სანდეციას” დაუპირისპირდებიან, 2 თებერვალს პოლტავის “ვორსკლას”, 6 თებერვალს კი ტულის “არსენალს”.

7 თებერვალს გუნდი თბილისში დაბრუნდება და რამდენიმე დღეში მეორე შეკრებაზე გაემგზავრება.