კანადელი ჩოგბურთელი 23 წლის ეჟენი ბუშარი, რომელსაც 2017 წლის აგვისტოს შემდეგ გამარჯვება არ ჰქონდა, ავსტრალიის ღია პირველობის პირველ წრეში დოდინი 6:3. 7:5 დაამარცხა. მომდევნო ეტაპზე კანადელი მსოფლიოს ნომერ პირველ ჩოგბურთელს სიმონა ჰალეპს შეხვდება. მატჩი 18 იანვარს თბილისის დროით 04:00 საათზეა ჩანიშნული. ურთიერთშეხვედრებში სიმონა 2:1-ს იგებს.

ბუშარი 2014 წელს ავსტრალიის ღია პირველობის და როლან გაროსის ნახევარფინალში გავიდა, ხოლო ამავე წელს ეჟენიმ უიმბლდონის ფინალი ითამაშა, სადაც პეტრა კვიტოვასთან დამარცხდა. მას შემდეგ კანადელი ამომავალი ვარსკვლავის კარიერა უკან-უკან მიდის.