პიერ-ემერიკ ობამეიანგი “დორტმუნდს” ტოვებს. Bild-ის ცნობით, აღნიშნული ინფორმაცია შესაძლოა, მიმდინარე დღის ბოლომდე ოფიციალურად დადასტურდეს.

გაბონელი ფორვარდი ბოლო დრო გერმანულ გუნდში კომფორტულად ვეღარ გრძნობს თავს და გუნდიდან წასვლა მისი სურვილია. როგორც ცნობილი ხდება, “ბორუსია” აფრიკელი ფეხბურთელის ტრანსფერში 70 მილიონ ევროს ითხოვს.

თავის მხრივ, Sky Sport-ის ინფორმაციით, “არსენალი” გერმანულ გუნდს 60 მილიონს უხდის. ობამეიანგმა მიმდინარე სეზონში 24 თამაშში 21 გოლის გატანა მოახერხა.