NBA-ს მოქმედმა ჩემპიონმა “გოლდენ სტეიტ უორიორზმა” ორი დღის წინ განცდილი მარცხის შემდეგ რეაბილიტაცია მოახერხა და სტუმრად “მილუოკი ბაქსი” დაამარცხა – 108.:94.

ოკლენდელთა სასტარტო ხუთეულში იყო ზაზა ფაჩულია, რომელმაც ყოფილი გუნდის წინააღმდეგ (ფაჩულია "ბაქსის" რიგებში 2004-2005 და 2013-2015 წლებში ირჯებოდა) 14:21 წუთი ითამაშა. ხსენებულ დროში ზაზამ 8 ქულა, 3 მოხსნა და 1 პასი მიითვალა. ჩვენებურს თითქმის 100%-იანი მაჩვენებელი ჰქონდა შეტევაში, რადგან 5-დან 4 ორქულიანი ჩააგდო, ხოლო მეტჯერ მეტოქის კალათს არ დამუქრებია.

“უორიორზის” რიგებში საუკეთესო კვლავ კევინ დურანტი გახლდათ, ვინც ამჯერად 40 ვერ, მაგრამ 26 ქულა კი შესძინა საკუთარ გუნდს. რასაც, 6-6 პასი და მოხსნაც დაუმატა.

“გოლდენ სტეიტი” დასავლეთ კონფერენციას 34 მოგებითა და 9 წაგებით ლიდერობს. “მეომრები” მომდევნო შეხვედრას 14 იანვარს, სტუმრად “ტორონტო რეპტორზთან” ჩაატარებენ.