წარსულში ცნობილი გერმანელი ფეხბურთელი და ამჟამად “ლევერკუზენის” სპორტული დირექტორი რუდი ფიოლერი სატრანსფერო ბაზარზე არსებული თანხების შესახებ საუბრობს.

გერმანიის ნაკრების ყოფილი მთავარი მწვრთნელის განცხადებით, 100 მილიონ ევროზე მეტი ერთადერთი ფეხბურთელი ღირს:

“ჩემთვის, ერთადერთი ფეხბურთელი, რომელიც 100 მილიონზე მეტი ღირს – ლიონელ მესია. მიუხედავად ამისა, დღევანდელი ფასები არ მიკვირს”, - განაცხადა ფიოლერმა Suddeutsche Zeitung-თან ინტერვიუში.

შეგახსენებთ, რომ პოლ პოგბას, უსმან დემბელეს, ფილიპე კოუტინიოსა და კილიან მბაპეს სანაცვლოდ გუნდებმა უკვე გადაიხადეს 100 მილიონ ევროზე მეტი თანხა. ხოლო ნეიმარის ფასმა საერთოდაც 200 მილიონს გადააჭარბა.