“ლივერპულის” ფეხბურთელი მოჰამედ სალაჰი მადრიდის “რეალში” გადასვლას არ აპირებს. როგორც თავად ეგვიპტელმა განაცხადა, ინგლისში ბედნიერია და ამ ეტაპზე მის გეგმებში გუნდის შეცვლა არ შედის.

“მე მსმენია ისეთი ჭორების შესახებ, რომლებიც შემთხვევითი არაა, მაგრამ აქ თავს ძალიან ბედნიერად ვგრძნობ. “ლივერპულს” ვეკუთვნი და “ენფილდზეც” ბედნიერი ვარ.

მსურს ეგვიპტის ფეხბურთის ისტორიაში ერთ-ერთი საუკეთესო ან სულაც, საუკეთესო ფეხბურთელი გავხდე”, - განუცხადა სალაჰმა Soccer Laduma-ს.

მადრიდის “რეალის” მხრიდან მოჰამედ სალაჰის მიმართ ინტერესის შესახებ ბოლო პერიოდში ხშირად იწერება. ეგვიპტელი შემტევი ნახევარმცველი მიმდინარე სეზონში პრემიერლიგაში ჩატარებულ 21 მატჩში 17 გოლით გამოირჩა.