იაპონელი თავდამსხმელი კაძუეში მიურა 50 წლისაა და ისევ თამაშობს. 26 თებერვალს ხდება 51 წლის.

საინტერესო ისაა, რომ მიურამ კიდევ ერთი წლით გააგრძელა კონტრაქტი “იოკოჰამასთან”, რომელიც იაპონიის რანგით მეორე ლიგაშია. წინა სეზონში მან 12 მატჩი ჩაატარა და ერთი გოლი გაიტანა.

მიურა იაპონიის ყველა დროის ერთ-ერთი საუკეთესო ფეხბურთელია. მას ეროვნულ გუნდში 55 გოლი აქვს გატანილი. 1993 წელს კი აზიის საუკეთესო მოთამაშედ დაასახელეს.