თუკი ბელარუსთა ქვეყანაში ვინმეს გემოვნება აქვს და იქაური ჟურნალები ერთხელ მაინც გადაუფურცლავს, ყველამ იცის ვინ არის და რაოდენ თვალსაამო ვინმეა, ყოფილი “მის ბელარუსი“, ახლა კი უკვე ევროპაში სახელგავარდნილი მოდელი, იულია სკალკოვიჩი, რომელსაც მოფერებით “იუსკას“ ეძახიან.

“იუსკა“ ჩოგბურთით სერიოზულადაა გატაცებული და მიუხედავად იმისა, რომ სპორტის ამ სახეობაში პროფესიონალურად არასოდეს უასპარეზია, როდესაც თავისუფალი დრო აქვს, სიამოვნებით და რაც მთავარია მარჯვედ სცემს ჩოგანს, რაც მისი ხელობის ასულთათვის ფიზიკურად ადვილი შესაძლებელი ნამდვილად არაა..

მაშინ, როდესაც ბელარუსის პრეზიდენტს - ალექსანდრე ლუკაშენკოს იგივე “ბატკას“ თვალი კოლმეურნეობებისა და ძველი საბჭოთა მეურნეობების აღდგენაზე უჭირავს, მშვენიერ იულიას ბელარუს ასულთა სილამაზის სახელი შორს გააქვს და საკითხავია, ვინ უფრო მეტად ეხმარება თავის ქვეყანას...