არგენტინის ეროვნული ნაკრების და ტურინის "იუვენტუსის" თავდამსხმელმა პაულო დიბალამ შესაძლოა კარიერა "მანჩესტერ იუნაიტედში" გააგრძელოს. როგორც Daily Star-ი იუწყება, ინგლისელები მზად არიან ფეხბურთელის სანაცვლოდ 60 მილიონი გირვანქა სტერლინგი გადაიხადონ. "წითელი ეშმაკების" მწვრთნელი ჟოზე მოურინიო ხუან მატას და ჰენრიხ მხითარიანის ასპარეზობით უკმაყოფილოა და გუნდის გაძლიერება დიბალათი სურს.

ჯერჯერობით უცნობია იტალიური კლუბის პოზიცია აღნიშნულ ინტერესთან დაკავშირებით. "იუვენტუსმა" დიბალა 2015 წელს "პალერმოდან" დაიმატა და 119 შეხვედრაში 57 გოლი გაიტანა და 22 საგოლე გადაცემა შეასრულა. შემტევის სატრანსფერო ღირებულება 70 მილიონი ევროა.