ინგლისის ეროვნული ნაკრების და "ტოტენჰემის" თავდამსხმელმა ჰარი კეინმა წლის ბოლო შეხვედრაში "საუთჰემპტონთან" (5:2) ჰეთ-თრიკი შეასრულა და პრემიერლიგაში ერთ კალენდარულ წელში 39 გატანილი გოლით ალან შირერის შედეგი (36) გააუმჯობესა.

ასევე, 2017 წელს ყველა ტურნირზე კეინმა 56-ჯერ აიღო მეტოქეების კარი და ამ მაჩვენებელში არგენტინის ეროვნული ნაკრების და კატალონიის "ბარსელონას" თავდამსხმელის ლიონელ მესის შედეგი (54) გააუმჯობესა.

Opta-ს ინფორმაციით კი, ჰარი კეინმა 2017 წელს პრემიერლიგაში 6 ჰეთ-თრიკი შეასრულა, ინგლისის ჩემპიონატში კი მსგავში შედეგი აქამდე არავის ჰქონია. Transfermarkt-ის მონაცემებით, ინგლისელმა "ტოტენჰემის" მაისურით დღემდე 189 მატჩი ჩაატარა, გაიტანა 123 გოლი და 20 საგოლე გადაცემა შეასრულა. კეინის სატრანსფერო ღირებულება 80 მილიონ ევროდაა შეფასებული.