კატალონიის “ბარსელონას” კაპიტანი ანდრეს ინიესტა მოახლოებულ “ელ კლასიკოს” შესახებ საუბრობს. ესპანელი ფეხბურთელის განცხადებით, “რეალის” დასამარცხებლად ორი ფაქტორი იქნება გადამწყვეტი.

“სანტიაგო ბერნაბეუზე” გამარჯვებისთვის ორი რაღაც არის საჭირო – ბურთის მაქსიმალური ფლობა და თამაშის კონტროლი, რომ ჩვენს კართაც საფრთხეები შევამციროთ. ვფიქრობ, ეს თამაში გადამწყვეტი არაა და ამაზე საუბარი შეცდომაცაა. ჯერ მხოლოდ დეკემბერია და “ატლეტიკოს” 6 ქულით ვუსწრებთ.

ჩემპიონთა ლიგა? – ჩემი ოცნებაა, რომ კიევის ფინალში ვითამაშოთ, მაგრამ იქამდე ძალიან ადრეა. “ჩელსის” სახით ძალიან ძლიერი მეტოქე გვყავს”, - განაცხადა ინიესტამ.

“რეალისა” და “ბარსელონას” შეხვედრა შაბათს, 23 დეკემბერს, თბილისის დროით 16:0 საათზე გაიმართება.