ტურინის “იუვენტუსს” ტრავმები მოეძალა. იტალიის თასზე, “ჯენოასთან” მატჩისწინა პრესკონფერენციაზე მასიმილიანო ალეგრიმ დააანონსა, რომ გუნდს მარჯვენა მცველი მატია დე შილიო გამოაკლდა.
ჯერჯერობით უცნობია რამდენად სერიოზულია იტალიელი ფეხბურთელის ტრავმა, მაგრამ გადაწყვეტილია, რომ დამდეგი ტურის ცენტრალურ მატჩში “რომას” წინააღმდეგ ვერ ითამაშებს.
დე შილიოს გარდა, “იუვეს” მარიო მანჯუკიჩი, ხუან კუადრადო და ჯანლუიჯი ბუფონი ჰყავს ტრავმირებულია. ჯორჯო კიელინი კი, გამოჯანმრთელდა.
“დე შილიოსა და მანჯუკიჩის მონაწილეობა “რომასთან” შეხვედრაში რთული იქნება. იგივე ითქმის ბუფონის თაობაზეც. რაც შეეხება კუადრადოს, მასზე დაკვირვება მიმდინარეობს ყოველდღიურად, ხოლო კიელინი ხვალ, “ჯენოასთან” ალბათ ძირითად შემადგენლობაში იქნება.
“ჯენოასთან” ძირითად შემადგენლობაში იქნებიან ლიხშტაინერი, ბერნარდესკი, რუგანი და დიბალა. კიელინისა და ბარძალის შორის კი ერთ-ერთი ითამაშებს”, - განაცხადა ალეგრიმ.
“იუვენტუსი” 20 დეკემბერს, იტალიის თასის მერვედფინალში “ჯენოას” უმასპინძლებს, ხოლო 23 დეკემბერს, “რომას” დაუპირისპირდება.
