ვეტერანი გერმანელი ფეხბურთელი ბასტიან შვაინშტაიგერი შესაძლოა სამშობლოში დაბრუნდეს. როგორც Welt am Sonntag-ი გვაუწყებს, 33 წლის ფებურთელს გერმანიის ბუნდესლიგიდან რამდენიმე შეთავაზება აქვს და დიდი შანსია, რომ ევროპას იანვარში დაუბრუნდეს.

ბასტიანი ამჟამად ამერიკული “ჩიკაგოს” ღირსებას იცავს, თუმცა კლუბთან კონტრაქტი იანვრის თვეში ეწურება და შესაბამისად, თავისუფალი აგენტი ხდება. ამიტომაც, მას ნებისიმიერ გუნდში შეეძლება გადასვლა.

ჯერჯერობით, წყარო კონკრეტულად არ ასახელებს თუ რომელ კლუბში შეიძლება ვიხილოთ შვაინშტაიგერი. საგულისხმოა, რომ აქამდე ერთადერთ გერმანულ გუნდში აქვს ნათამაშები – “ბაიერნში”.

მიუნხენური გიგანტი მან 2015 წელს დატოვა და ჯერ “მანჩესტერ იუნაიტედში” ითამაშა, შემდეგ კი “ჩიკაგო ფაირში”.