საქართველოს საკალათბურთო ნაკრებისა და მალაგას "უნიკახას" ცენტრი გიორგი შერმადინი კალათბურთის ფედერაციის პრეზიდენტის მოახლოებულ არჩევნებს ეხმაურება. როგორც გიორგიმ სოციალურ ქსელში დაწერა, იგი შიო ხეცურიანის მხარდამჭერია და სჯერა, რომ მისი გაპრეზიდენტების შემთხვევაში ქართული კალათბურთი წინსვლას მოახერხებს.
"მინდა დავაფიქსირო ჩემი აზრი მოახლოვებულ საკალათბურთო არჩევნებთან დაკავშირებით! მჯერა, რომ შიო ხეცურიანი თავისი გუნდით, მრავალწლიანი გეგმით და სწორი ხედვით შეძლებს ქართული კალათბურთის მნიშვნელოვან განვითარებას და აღორძინებას. მინდა, კიდევ ერთხელ ღიად დავაფიქსირო ჩემი მხარდაჭერა შიოსადმი!!! ერთად განვავითაროთ ქართული კალათბურთი!", - დაწერა შერმადინმა.
შეგახსენებთ, საქართველოს კალათბურთის ფედერაციის პრეზიდენტის არჩევნები 11 დეკემბერს გაიმართება.
