ხელბურთის ჩემპიონთა ლიგაში თებერვლამდე არდადაგებია. A და B ჯგუფებში ლიდერობენ მაკედონიის ვარდარი და საფრანგეთის პსჟ, ხოლო C და D ჯგუფებში ასპარეზობა დასრულდა. მომდევნო ეტაპზე გავიდნენ მონპელიე, ზაპოროჟიე, სკიერნი და ლეონი.

10 ტური. მიმოხილვა. http://www.ehftv.com/int/video/2017-12-03-rewind-episode-10

ბოლო, 10 ტურში უნდა გარკვეულიყო C ჯგუფის ორი გამარჯვებული. სლოვენიის ველენიეს ქულა მაინც სჭირდებოდა დანიაში, მაგრამ სკიერნთან 20-35 დამარცხდა და პირველი ადგილი დაუთმო. ველენიეს 12 ქულა დარჩა და დამოკიდებული იყო ნორვეგიის ელვერუმისა და ესპანეთის ადემარ დე ლეონის მატჩის შედეგზე. ორივე გუნდი 10-10 ქულით იყო, მაგრამ ელვერუმს პლეიოფში გასვლის შანსი არ შერჩენოდა, რადგანაც უარყოფითი პირადი ბალანსი ჰქონდა სლოვენიელებთან. შესაბამისად, ლეონს მეტი მოტივაცია აღმოაჩნდა, სტუმრად 30-25 მოიგო, ველენიეს ქულებით დაეწია და ურთიერთშეხვედრებით აჯობა - (22-23, 28-24). ახლა, ვიდრე A და B ჯგუფებში დარჩენილი 4 ტური გაიმართება, მონპელიე-ლეონი და სკიერნი-მოტორ ზაპოროჟიე ორმატჩიან პლეიოფს ითამაშებენ მერვედფინალში გასასვლელად.

A და B ჯგუფებში 7 გუნდს უკვე განაღდებული აქვს მერვედფინალში გასვლა. გერმანიის ჩემპიონი რაინ ნეკარი მოულოდნელად ზაგრებში დამარცხდა, 26-30, ხოლო ბარსელონამ ნანტთან წააგო, 25-29.

ტურნირი განახლდება თებერვალში, 12 იანვრიდან კი ხორვატიაში ევროპის ჩემპიონატია.

ხელბურთი. ჩემპიონთა ლიგა 2017-18. კაცები, ჯგუფური ეტაპი

10 ტური, 28 ნოემბერი - 2 დეკემბერი

A ჯგუფი: ვარდარი 18 - ნანტი 15, ბარსელონა 12, რაინ-ნეკარი 12, სეგედი 9, კრისტიანსტადი 6 - ზაგრები 4, ვისლა 4

ზაგრები (ხორ) - რაინ-ნეკარ ლიოვენი (გერ) 30-26

ჰორვატი 8, ბიჩანიჩი 5 - სიგურდსონი 9

სეგედი (უნგ) - ვისლა პლოცკი (პოლ) 24-25

ბალოგი 6, ბოდო 5 - დე ტოლედო 7

ვარდარი (მკდ) - კრისტიანსტადი (შვდ) 31-15

ნანტი (საფ) - ბარსელონა (ესპ) 29-25

ბალაგერი 5 - მემი 7

--

B ჯგუფი: პსჟ 18 - ფლენზბურგი 14, ვესპრემი 13, კილი 11, კელცე 8, მეშკოვ ბრესტი 7 - ცელიე 5, ოლბორგი 4

ფლენზბურგი (გერ) - კილი (გერ) 30-33

ვანე 7, გლანდორფი 6 - დისინგერი 7, ლ. ნილსონი 6

პარი სენ-ჟერმენი (საფ) - ოლბორგი (დან) 31-28

გენსჰაიმერი 10, ნ. კარაბატიჩი 6 - ინსენი 9, იულ-ლასენი 7

ვესპრემი (უნგ) - კელცე (პოლ) 31-26

ა. ნილსონი 8 - იურეცკი 9

მეშკოვ-ბრესტი (ბლრ) - ცელიე (სლნ) 29-24

AB: გამარჯვებულები გადიან მეოთხედფინალში, 2-6 ადგილები - მერვედფინალში. ტურნირი განახლდება თებერვალში

--

C ჯგუფი: სკიერნი 16, ლეონი 12 (22-23, 28-24) - ველენიე 12, ელვერუმი 10, შაფჰაუზენი 8, დინამო ბუქ. 2

შაფჰაუზენი (შვც) - დინამო ბუკურეშტი (რუმ) 27-25

სკიერნი (დან) - ველენიე (სლნ) 35-20

ელვერუმი (ნორ) - ლეონი (ესპ) 25-30

D ჯგუფი: მონპელიე 16, მოტორი 15 - ბეშიქთაში 11, სპორტინგი 8, მეტალურგი 5, ჩეხოვსკიე მედვედი 3

სპორტინგი (პორ) - მეტალურგ სკოპიე (მკდ) 31-27

მოტორ ზაპოროჟიე (უკრ) - მონპელიე (საფ) 31-30

ბეშიქთაში (თურ) - ჩეხოვსკიე მედვედი (რუს) 33-29

პლეიოფი მერვედფინალში გასასვლელად: ლეონი-მონპელიე, მოტორი-სკიერნი: 21-25.02 -- 28.02-04.03