ზაზა ფაჩულიას “გოლდენ სტეიტი” შინ “საკრამენტო კინგზთან” 106:110 დამარცხდა. “ოქროს შტატელებს” ტრავმის გამო კევინ დურანტი და სტეფ კარი აკლდნენ.

ზაზა ტრადიციულად სასტარტო 5-ეულში იმყოფებოდა და პარკეტზე 14 წუთი დაჰყო. ამ დროში ქართველმა ცენტრმა გუნდს 3 ქულა, 4 პასი, 3 მოხსნა და 1 ჩაჭრა შესძინა.

რაც შეეხება უშუალოდ შეხვედრას, მატჩი გარდამავალი უპირატესობით მიმდინარეობდა. თამაშის დასრულებამდე 3 წუთით ადრე “გოლდენ სტეიტი” 106:102 იგებდა, თუმცა დარჩენილ დროში “მეომრებმა” ერთი ქულის ჩაგდებაც კი ვეღარ მოახერხეს.

“გოლდენ სტეიტში” 21 ქულით კლეი ტომპსონი გამოირჩა. “მეომრები” 15 მოგებით და 6 წაგებით დასავლეთ კონფერენციაში მეორე ადგილზე იმყოფებიან. “ოქროს შტატელები” მომდევნო შეხვედრას გასვლაზე “ლეიკერსის” წინააღმდეგ გამართავენ, მატჩი 30 ნოემბერს თბილისის დროით 07:30 საათზე დაიწყება.