კატალონიის “ბარსელონა” ლონდონის “არსენალის” ნახევარმცველის მესუთ იოზილის გადაბირებას გეგმავს. როგორც ბრიტანელი ჟურნალისტი ჯონ კროოსი წერს, “ბლაუგრანა” მზადაა გერმანელ ფეხბურთელს წელიწადში 18 მილიონი ევრო გადაუხადოს ანაზღაურების სახით.
იოზილის მიმართ ინტერესს “მანჩესტერ იუნაიტედიც” იჩენს და თავად ფეხბურთელსაც “ოლდ ტრაფორდზე” თამაში უფრო ხიბლავს. ზემოხსენებული გასამარჯელოთი კი კატალონიაში იმედოვნებენ, რომ მესუთის დაყოლიებას შეძლებენ.
შეგახსენებთ, იოზილს “არსენალთან” მიმდინარე ხელშეკრულება დამდეგ ზაფხულს ეწურება და ნებისმიერ გუნდში გადასვლა თავისუფალი აგენტის სტატუსით შეეძლება.
