უეფა იტალიური “მილანის” ფინანსური მდგომარეობით შეშფოთებულია და საქმის გამოძიებას იწყებს. როგორც ევროპული ფეხბურთის მმართველი უწყების პრეზიდენტმა ალექსანდრ ჩეფერინმა განაცხადა, ამ ეტაპზე, სანამ ყველაფერი არ გაირკვევა, არაფრის თქმა შეუძლია.
“ამ ეტაპზე ჩვენ ვმუშაობთ “მილანის” საკითხთან დაკავშირებით. ახლა მეტის თქმა არ შემიძლია. შეშინებული ვარ კლუბის ფინანსური მდგომარეობით, მაგრამ ვნახოთ რა მოხდება”, - აღნიშნა ჩეფერინმა.
შეგახსენებთ, უეფას კითხვები აქვს “მილანის” მფლობელების მიერ დახარჯულ თანხებთან და კლუბის მხრიდან ფინანსური ფეირ-პლეის წესის დაცვასთან დაკავშირებით. რამდენიმე დღის წინ ამ საკითხზე უეფას შტაბ-ბინაში “როსონერის” აღმასრულებული დირექტორი მარკო ფასონეც იმყოფებოდა, თუმცა იტალიური მედიის ცნობით, მან უეფას მაღალჩინოსნები ფინანსური კუთხით პრობლემის არქონაში ვერ დაარწმუნა.
შექმნილი სიტუაციის გათვალისწინებით, შესაძლოა, რომ იტალიური გრანდი ევროსარბიელიდან გარკვეული ვადით მოკვეთონ.
