ჯაბა კანკავა ყაზახეთში ჩავიდა და კუსტანაის “ტობოლთან” აწარმოებს მოლაპარაკებას. საქართველოს ნაკრების კაპიტანი უგუნდოდაა და პრაქტიკა მხოლოდ ვლადიმირ ვაისის გუნდში აქვს. სხვათა შორის, ნაკრებში არავის ჩამოუვარდება და ერთ-ერთი საუკეთესოც გახლავთ.
“ტობოლი” ყაზახურ ლიგაში მეხუთე ადგილზეა. ამ გუნდში თამაშობს ჩვენი ნაკრების კიდევ ერთი ფეხბურთელი – ნიკა კვეკვესკირი.
ვნახოთ, როგორ დასრულდება მოლაპარაკება. კანკავა ბოლოს ფრანგულ “რეიმსში” თამაშობდა და ამ ზაფხულს გაწყვიტა კონტრაქტი.
