ზაზა ფაჩულიას “გოლდენ სტეიტმა” გასვლაზე “ფილადელფია” 124:116 დაამარცხა. ზაზა ტრადიციულად სასტარტო 5-ეულში იმყოფებოდა და პარკეტზე 16 წუთი დაჰყო. ამ დროში ქართველმა ცენტრმა გუნდს 10 ქულა, 4 მოხსნა, 1 პასი და 1 ჩაჭრა შესძინა. ზაზამ 6-დან 4 ორქულიანი და 3-დან ორი საჯარიმო სროლა ჩააგდო.

რაც შეეხება შეხვედრას, მატჩი ფილადელფიელებმა მძლავრად დაიწყეს და მეორე პერიოდის შუაში 68:45-ს (+23) იგებდნენ. მესამე მეოთხედში გოლდენ სტეიტმა სეზონის საუკეთესო პერიოდი ჩაატარა. სტეფ კარიმ ერთ პერიოდში 20 ქულა ჩააგდო და საბოლოდ “მეომრებმა” 47:15 იმარჯვეს. ბოლო მეოთხედში კი “ფილადელფიამ” სხვაობის აღმოფხვრა ვეღარ მოახერხა.

მატჩში ყველაზე მეტი 35 ქულა სტეფ კარიმ ჩააგდო. დურანტს 27 ქულა ჰქონდა. “ფილადელფიაში” სიმონსი 23 ქულით და 12 პასით გამოირჩა.

“გოლდენ სტეიტი” 12 მოგებით და 4 მარცხით დასავლეთ კონფერენციაში მეორე პოზიციაზეა. მომდევნო მატჩში ოკლენდელები გასვლაზე “ბრუკლინს” დაუპირისპირდებიან, შეხვედრა 20 ნოემბერს თბილისის დროით 03:00 საათზეა ჩანიშნული.