ავსტრალიის ეროვნულმა ნაკრებმა 2018 წლის მსოფლიოს ჩემპიონატის საგზური მოიპოვა. ანგე პოსტეკოღლუს გაწვრთნილებმა ჰონდურასთან გასვლითი 0:0-ის შემდეგ, შინ 3:1 მოიგეს.

ჰეთ-თრიქი გაიფორმა “ასტონ ვილას” ნახევარმცველმა მილე ედინაკმა, აქედან, ორი ბურთი პენალტით გაიტანა. ჰონდურასელთაგან კი მეინორ ფიგეროამ გაქვითა ერთი გოლი, მაგრამ გვიანღა იყო...

ავსტრალია ზედიზედ მეოთხე მუნდიალზე ითამაშებს. საუკეთესო შედეგი 2006 წელს აჩვენა, რცა ჯგუფიდან გავიდა და მერვედფინალში გავარდა: იტალაისთან 0:1, ბოლო წუთზე გაშვებული პენალტით...

ავსტრალია 31-ე ნაკრებია, რომელმაც მუნდიალის საგზური მოიპოვა. დარჩა ერთი... ან პერუ, ან ახალი ზელანდია. შეხვედრა ლიმაში თბილისის დროით გამთენიისას, 06:15 საათზე დაიწყება. ახალ ზელანდიაში მატჩი 0:0 დასრულდა და რა თქმა უნდა, პერუ აშკარა ფავორიტია.