ლეგენდარული ბრაზილიელი ფეხბურთელი რონალდინიო იმედოვნებს, რომ მისი თანამემამულე ფილიპე კოუტინიო “ბარსელონაში” გადავა. როგორც მან განაცხადა, “ლივერპულის” შემტევის სათამაშო სტილი ესპანური გრანდისთვის იდეალურია.
“ძალიან ბედნიერი ვიქნები კოუტინიო “ბარსელონას” მაისურს წლების განმავლობაში თუ ატარებს. ჩემი აზრით, მისი სტილი “ბარსასთვის” ზედგამოჭრილია და სრულიად მიესადაგება. სწორედ ამიტომ მინდა, რომ მან კატალონიურ გუნდში ითამაშოს.
მომწონს ის ფეხბურთი, რომელსაც კოუტინიო აჩვენებს. ასეე იმედი მაქვს, რომ ბრაზილიის ნაკრებს დაეხმარება მუნდიალის მოგებაში”, - განაცხადა რონალდინიომ.
ფილიპე კოუტინიოს მიმართ ინტერესს “ბარსელონა” გასული ზაფხულიდან იჩენს. აღსანიშნავია, რომ ცოტა ხნის წინ ბრაზილიელმა “ლივერპულში” დარჩენის სურვილი გამოთქვა და განაცხადა, რომ ინგლისში ბედნიერია.
