საქართველოს ეროვნული ნაკრები წლის ბოლო ამხანაგურ მატჩს დღეს, ბელარუსის ნაკრებთან, ქუთაისში ჩაატარებს. 12 ნოემბერს, ვლადიმირ ვაისის გუნდმა თბილისის ზღვაზე მდებარე ს.კ „ზესტაფონის“ ბაზაზე მატჩისწინა ბოლო ვარჯიში გამართა. შეკრებაზე მყოფი ყველა ფეხბურთელი ჯანმრთელადაა და მოახლოებული ამხანაგური შეხვედრისთვის სრული დატვირთვით ემზადება.

ეროვნული ნაკრების შემადგენლობა ბელარუსის ნაკრების წინააღმდეგ:

მეკარეები: გიორგი ლორია (ანჟი, რუსეთი), გიორგი მაკარიძე (მორეირენსე, პორტუგალია), როინ კვასხვაძე (ტორპედო, ქუთაისი)

მცველები: ოთარ კაკაბაძე (ხიმნასტიკი, ესპანეთი), გურამ კაშია (ვიტესი, ჰოლანდია), ლევან გეგეჭკორი (დინამო, თბილისი), გია გრიგალავა (არსენალი, ტულა, რუსეთი), ლაშა დვალი (პოგონი, პოლონეთი) დავით ხოჭოლავა (შახტარი, უკრაინა) გიორგი ნავალოვსკი (სკა ენერგია, რუსეთი), ლაშა შერგელაშვილი (რიგასი, ლატვია)

ნახევარმცველები: ნიკა კვეკვესკირი (ტობოლი, ყაზახეთი), ჯაბა კანკავა, ვაკო გვილია (ბატე, ბელარუსი), გიორგი აბურჯანია (სევილია, ესპანეთი), გიორგი მერებაშვილი (ვისლა, პლოცკი, პოლონეთი), ჯაბა ჯიღაური (ვარდარი, მაკედონია), გიორგი პაპუნაშვილი (სარაგოსა, ესპანეთი), საბა ლობჟანიძე (რანდერსი, დანია), ვაკო ყაზაიშვილი (სან ხოსე ერსქვიკსი, აშშ)

თავდამსხმელები: გიორგი ქვილითაია (რაპიდი, ავსტრია), ნიკა კაჭარავა (კორონა, პოლონეთი), ირაკლი სიხარულიძე (ლოკომოტივი, თბილისი)

საქართველოსა და ბელარუსის ეროვნულ ნაკრებთა მატჩი ქუთაისის რამაზ შენგელიას სახელობის სტადიონზე 18:00 საათზე დაიწყება. ბილეთის ფასი 2 ლარს შეადგენს და მისი შეძენა TKT.ge-ზე და სტადიონის სალაროებში შეგიძლიათ. შეხვედრის პირდაპირ რეპორტაჟს საზოგადოებრივი მაუწყებლის პირველი არხი შემოგთავაზებთ.

gff.ge