ფეხბურთი

19:09 | 9.11.2017 | ნანახია [] - ჯერ

ფუტსალის ლიგის II ტურის შეხვედრებს ქუთაისი უმასპინძლებს

11 ნოემბერს, ქუთაისის სპორტის სასახლე, ფუტსალის ლიგის 2017/18 წ.წ სეზონის, პირველი წრის, მეორე ტურის შეხვედრებს უმასპინძლებს.

ფუტსალის ლიგის პირველი იმერული სათამაშო დღე 13:00 სთ-ზე აიღებს სტარტს. გათამაშების ერთ-ერთი ფავორიტი, აგორა აფხაზეთს დაუპირისპირდება.

15:00 სთ-ზე გაიმართება ტურის ცენტრალური შეხვედრა, რომელშიც ერთმანეთს ბათუმის სახელმწიფო უნივერსიტეტი და სტუ-თელასი დაუპირისპირდებიან. წინა სეზონში ამ გუნდების ბოლო დაპირისპირება, რომელიც ბათუმში გაიმართა, მოულოდნელად ბსუ-ს გამარჯვებით 8:5 დასრულდა, შესაბამისად მოქმედი ჩემპიონი, ფავორიტის სტატუსის დამტკიცებასთან ერთად, რევანშის აღებასაც შეეცდება.

სერიოზული გამოცდა ელის ლიგის დებიუტანტს, კოლხი-გულრიფშს, რომლის მეტოქეც, ვიცე-ჩემპიონი, ტატიშვილიიქნება. მიუხედავად გადახალისებული შემადგენლობისა, „მედიკოსები“ წლევანდელი სეზონის ფავორიტთა სიაში მოიაზრებიან.ეს შეხვედრა 17:00 სთ-ზე დაიწყება.

19:00 სთ-ზე, მასპინძლის სტატუსით პირველ შეხვედრას გამართავს, კიდევ ერთი დებიუტანტი წყალტუბო, რომელიც შარშანდელ ბრინჯაოს პრიზიორ თბილისს დაუპირისპირდება. ორივე გუნდი მიმდინარე სეზონში პირველი ქულებისთვის იბრძოლებს.

11.11.2017.ფუტსალის ლიგა.II ტური (ქუთაისის სპორტის სასახლე)

13:00 აფხაზეთი - აგორა

15:00 ბსუ (ბთ) - სტუ-თელასი

17:00 ტატიშვილი - კოლხი-გულრიფში

19:00 თბილისი - წყალტუბო

ყველა მატჩის პირდაპირი რეპორტაჟის ხილვა ვებ-გვერდ sbm.ge-ს საშუალებით იქნება შესაძლებელი.

***

ღონისძიების პარტნიორები და მხარდამჭერები არიან: “სოკარი“ტელეკომპანია „SILK“,„ნაბეღლავი“,იურიდიული ჯგუფი „McGill“, „ტატიშვილის სამედიცინო და სპორტული რეაბილიტაციის ცენტრი“

მედია პარტნიორები: რადიოები, „იმედი“, JAKO FM, „კომერსანტი“, “თანამგზავრი“, ვებ პორტალები, sportall.ge, worldsport.ge, sportstar.ge, adjarasport.com, mysports.ge, geosports.ge, tsff.ge, გაზეთი „ლელო”

სპორტული სააგენტო SBM-ის პრესსამსახური

0.11066