მადრიდის “რეალის” პორტუგალიელი ფორვარდი კრიშტიანუ რონალდუ “სამეფო კლუბთან” მოქმედი კონტრაქტით კმაყოფილია და ხელშეკრულების პირობების შეცვლაზე არ ფიქრობს.
“რეალში” თავს კარგად ვგრძნობ. კონტრაქტის დასრულებამდე 4 წელი დამრჩა. ახალ ხელშეკრულებაზე არც მიფიქრია. ყველაფერი კარგად არის”, - განაცხადა რონალდუმ Sport-თან ინტერვიუში.
ცოტა ხნის წინ გავრცელებული ინფორმაციის თანახმად, რონალდუ მადრიდული კლუბისგან ხელფასის გაზრდას ითხოვდა, რაზეც უარი მიიღო. თუმცა, როგორც პორტუგალიელი ფეხბურთელი ამბობს, მსგავსი რამ არ მომხდარა და ეს მხოლოდ ჭორებია.
