"ნაპოლის" ნახევარმცველმა ჟორჟინიომ ბრაზილიის ნაკრებში თამაში გადაწყვიტა. აღნიშნული ინფორმაცია La Gazzetta dello Sport-მა გაავრცელა. ფეხბურთელმა იტალიის ნაკრების მაისურით მოედანზე ორჯერ უკვე გავიდა.

ჟორჟინიო იტალიაში დიდი ხანია ცხოვრობს და როგორც ბრაზილიის, ასევე იტალიის მოქალაქეობა აქვს. ფეხბურთელის მშობლებს იტალიური ფესვები აქვთ. ნახევარმცველმა კარიერა "ვერონაში" დაიწყო და "ნაპოლიში" 2014 წელს გადავიდა.

2016 წლის შემდეგ ჟორჟინიო იტალიის ნაკრებში ვერ მოხვდა. თავის მხრივ, ბრაზილიის ეროვნული ნაკრების თავკაცი ტიტე მზადაა ნახევარმცველი მსოფლიოს ჩემპიონატზე წაიყვანოს.