"მანჩესტერ იუნაიტედი" ევროპის ტოპ 5 ჩემპიონატში ერთადერთი გუნდია, რომელსაც მიმდინარე სეზონში საშინაო შეხვედრაში გოლი არ გაუშვია. "წითელმა ეშმაკებმა" პრემიერლიგის მეათე ტურში "ოლდ ტრაფორდზე" ლონდონის "ტოტენჰემი" მიიღო და 1:0 დაამარცხა.

სულ კი მიმდინარე სეზონში მანჩესტერელებმა შინ 5 შეხვედრა ჩაატარეს, აიღეს 15 ქულა და 15 გოლი გაიტანეს. ინგლისის ჩემპიონატში ჟოზე მოურინიოს გუნდი 23 ქულით მეორე ადგილზეა და ლიდერ "მანჩესტერ სიტის" 5 ქულით ჩამორჩება.