საქართველოს ნაკრების ნახევარმცველმა გიორგი მერებაშვილმა პლოცკის “ვისლასთან” კონტრაქტი გაახანგრძლივა. როგორც პოლონური კლუბის ვებგვერდი ოფიციალურად იტყობინება, მხარეებს შორის ხელშეკრულება ერთი წლით, 2019 წლის 30 ივნისამდე განახლდა.
მერებაშვილი “ვისლას” ერთ-ერთი წამყვანი ფეხბურთელია. მიმდინარე სეზონში ჩვენებური ექსტრაკლასაში ჩატარებულ 13 შეხვედრაში 2 გოლითა და ამდენივე საგოლე პასით გამოირჩა.
გიორგი მერებაშვილი “ვისლას” 2016 წელს ბერძნული “ლევადიაკოსიდან” შეუერთდა და მას მერე “თეთრ-ლურჯების” რიგებში 48-ჯერ ითამაშა, 8 გოლი გაიტანა და 9 საგოლე პასი მიითვალა.
