ფეხბურთი

20:14 | 23.10.2017 | ნანახია [] - ჯერ

მარსელო: “ხალხს ზოგჯერ ავიწყდება, რა რთულია ლა ლიგაში თამაში”

მადრიდის “რეალის” მცველმა მარსელომ “ეიბართან” მატჩის (3:0) შემდგომ კომენტარი გააკეთა და აღნიშნა, რომ ლა ლიგაში თამაში და მითუმეტეს გამარჯვება ძალიან ძნელია.

“ძალიან მოხარული ვარ, გოლის გატანა რომ შევძელი, მაგრამ უფრო მნიშვნელოვანი გუნდის გამარჯვებაა. შედეგით კმაყოფილი ვართ. კარგი მატჩი ჩავატარეთ. ხალხს ზოგჯერ ავიწყდება, თუ რა რთულია ლა ლიგაში თამაში. მიზეზი კი ისაა, რომ აქ საუკეთესო გუნდები თამაშობენ.

ცოტა ხნის წინ ესპანური პრესა ქარიმ ბენზემას აკრიტიკებდა იმის გამო, რომ მან მხოლოდ 1 გოლის გატანა მოახერხა მიმდინარე ჩემპიონატში. ბენზემა დიდი ფეხბურთელია. კრიშტიანუს გააქვს ბევრი გოლი, თუმცა არ უნდა დაგვავიწყდეს, რომ ამაში მას ბენზემა ძალიან ეხმარება. პირადად ჩემთვის, ფრანგი საუკეთესო ცხრიანია მსოფლიოში” – განაცხადა ბრაზილიელმა.

შეგახსენებთ, რომ “ეიბართან” მატჩში მარსელომ 1 გოლის გატანა მოახერხა. მიმდინარე ჩემპიონატში “სამეფო კლუბი” მე-3 პოზიციაზეა და 5 ქულით ჩამორჩება პირველადგილოსან “ბარსელონას”, მეორე ადგილზე მყოფ “ვალენსიას” კი 1 ქულით.

0.112252