უეფამ, ჩემპიონთა ლიგაზე მომხდარი ინციდენტების გამო, “პარი სენ ჟერმენს, “სელტიკსა” და “ბაზელს” ფულადი ჯარიმა დააკისრა. აღნიშნული ინფორმაცია უეფას ოფიციალურ ვებგვერდზე განთავსდა.

შოტლანდიური კლუბი 10 ათასი ევროთი დაჯარიმდა, რადგან პსჟ-სთან თამაშის დროს მოედანზე გულშემატკივრი გადახტა და კილიან მბაპეზე თავდასხმა სცადა. პარიზულ კლუბს კი 5 ათასი ევროს ოდენობით თანხა ფანების მიერ ტრიბუნაზე დამტვრეული სკამების გამო დაეკისრა. რაც შეეხება “ბაზელს”, ქომაგთა მიერ პოროტექნიკის გამოყენების გამო 12 ათასი ევროთი დააჯარიმეს.