ინგლისის ნაკრებისა და “მანჩესტერ იუნაიტედის” ყოფილმა მცველმა გარი ნევილმა განაცხადა, რომ სამწვრთნელო საქმიანობას აღარასოდეს დაუბრუნდება.
“პრემიერლიგის ორი-სამი კლუბისგან შემოთავაზება მქონდა და უარი ვთქვი. ასევე იყო წინადადება ჩემპიონშიფიდან. მწვრთნელობა აღარ მინდა. “ვალენსიაში” მთავარ მწვრთნელად ვმუშაობდი და არცთუ კარგად წარიმართა ჩემი კარიერა. დიდი გამოცდილება მივიღე”.
შეგახსენებთ, ნევილი “ვალენსიას” 2015-2016 წლების სეზონში თავკაცობდა და ამხელა ისტორიის მქონე კლუბი კინაღამ ლა ლიგიდან გავარდა... საშინელი შედეგები ჰქონდა ნევილს.
