ინდოეთში 17-წლამდელთა მსოფლიოს ჩემპიონატი მიმდინარეობს და ორი მეოთხედფინალია დასრულებული: ინგლისმა აშშ-ს 4:1 სძლია, ხოლო მალიმ განას - 2:1.

ამჟამად თამაშობენ ესპანეთი-ირანი, რომელში მოგებულიც მალის შეხვდება. ხოლო 18:30 საათზე დაიწყება გერმანია-ბრაზილია და გასული ნახევარფინალში ინგლისთან ითამაშებს.

ჩემპიონატი ინდოეთის ექვს სტადიონზე იმართება და აქედან ოთხი სარბიელი 40 000-ზე მეტ მაყურებელს იტევს. ფინალი კოლკატას 66 000-იან “სოლტ ლეიკზე” შედგება.

17-წლამდელთა მუნდიალი 1985 წლიდან ტარდება ორ წელიწადში ერთხელ. ყველაზე დიდი მიღწევები ნიგერიას აქვს, რომელმაც 5-ჯერ მოიგო ჩემპიონატი და მათ შორის, ბოლო ორიც: 2013 და 2015 წლებში. ბრაზილია სამგზის ჩემპიონია, ორ-ორჯერ მექსიკამ და განამ იმარჯვეს, თითო-თითოჯერ კი – საბჭოთა კავშირმა, საუდის არაბეთმა, საფრანგეთმა და შვეიცარიამ.