ფრანგული “პარი სენ ჟერმენი” სეზონის სტარტზე დიდებულად თამაშობს. უნაი ემერის გუნდი ლიგა 1-ს რომ დამაჯერებლად ლიდერობს, ამაში გასაკავირი არც არაფერია. თუმცა, აი, ჩემპიონთა ლიგაზე საოცარი დასაწყისი, უდაოდ გამოსარჩევია.

პსჟ-მ სამიდან სამი მატჩი მოიგო (5:0 “სელტიკთან”, 3:0 “ბაიერნთან” და 4:0 “ანდერლეხტთან”), გაიტანა 12 გოლი და საკუთარ კარში არცერთი მიუღია. გაირკვა, რომ ჩემპიონთა ლიგის დაარსების დღიდან აქამდე, ასეთი შთამბეჭდავი სტარტი არავის ჰქონია.

ხსენებული 12 გოლიდან 9 შესანიშნავი სამეულის ანგარიშზეა: ედინსონ კავანი, ნეიმარი და კილიან მბაპე. მოკლედ, როგორც ჩანს, პარიზელების დახარჯული კოლოსარული თანხა უკვალოდ არ ჩაივლის – ეს პსჟ ნამდვილად შედის საშიშ გუნდთა სიაში...