55 კილოგრამამდე წონით კატეგორიაში მოჭიდავე ქართველმა ძიუდოისტებმა ჯაბა პაპინაშვილმა და ვანო ნინიაშვილმა ზაგრებში დღეს დაწყებულ მსოფლიოს ახალგაზრდულ ჩემპიონატზე ფინალური ბლოკის საგზურები მოიპოვეს.
პაპინაშვილმა დილის პროგრამა წაუგებლად ჩაამთავრა და მსოფლიოს ჩემპიონის ტიტულს ერთადერთი გამარჯვება აშორებს. ფინალში მისი მეტოქე აზერბაიჯანელი ნათიგ გურბანლი იქნება.
ვანო ნინიაშვილი ძირითად ბადეში ნახევარფინალამდე მივიდა. იქ კი სწორედ გურბანლისთან წააგო და რეპეშაჟის ფინალში გადაერთო, სადაც მონღოლ უნუბოლდ ლხაგვაჯამცს დაუპირისპირდება.
დღესვე, ხორვატიულ ტატამზე მსოფლიოს სამეულები ვაჟთა შორის 60 კილოგრამამდე წონით კატეგორიაში და გოგონებში 44 და 48 კილოგრამებში შეივსება. ამ წონებში საქართველოს ნაკრებს მონაწილე არ ჰყავდა.
ფინალური ბლოკის შეხვედრები თბილისის დროით 19:00 საათზე დაიწყება.
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია
ეს ხო ამირანას ძმა არი
ძმა არის?... კარგი ბიჭი სჩანს, მსოფლიო ჩემპიონობა ახალგაზრდებს შორის პატარა საქმე არ არის
ყოჩაღ უმცროს პაპინაშვილს, ამირანს ტიტულით გადაასწრო უკვე
აუ გაიღვიძეს ამ საიტზე ადმინმა
ვაა ჯაბა პაპინაშვილი მსოფლიოს ჩემპიონია ამირანის რამე ხო არაა?
კი ამირანის ძმაა
ვერ გეტყვი, არ ვიცი...მეც მაინტერესებს
ჯაბა პაპინაშვილი მსოფლიო ჩემპიონი გახდა ახალგაზრდებს შორის. ვულოცავ
დღეს მსოფლიო ჩემპიონატი დაიწყო ახალგაზრდებს შორის. დღესვე ჩვენმა 2 მოჭიდავემ მიიღო მონაწილეობა 55 კგ წონით კატეგორიაში და 2-ვე ფინალურ ბლოკში იასპარეზებს. ვანო ნინიაშვილი ბრინჯაოსთვის დაეჭიდება მონღოლ სპორტსმენს, ხოლო ჯაბა პაპინაშვილი ფინალში შეხვდება აზერ გურბანლის.