ფეხბურთი

21:47 | 12.10.2017 | ნანახია [] - ჯერ

ფაბიო კაპელო "სკუადრა აძურას" გაჭირვების ტალკვესი?

იტალიის ეროვნული ნაკრების ახალი მთავარი მწვრთნელი შესაძლოა, არც მეტი, არც ნაკლები, ფაბიო კაპელო გახდეს. აღნიშნულ ინფორმაციას, Corriere Dello Sport-ი ავრცელებს.

წყაროს ცნობით, ლეგენდარული იტალიელი სპეციალისტი მიმდინარე სეზონის ბოლოს ჩინური “ცზიანსუ სუნინის” დატოვებას აპირებს. “კუადრა აძურას” მესაჭის საკითხი კი, ბოლო დროს ძალზე აქტუალურია. ჯამპიერო ვენტურას თაოსნობით იტალიის ნაკრები მეტად უფერულ ფეხბურთს აჩვენებს და უკვე დაწყებულია მისი შემცვლელის ძიება. კაპელო კი, იტალიელი ჟურნალისტების დასკვნით, ერთ-ერთი ყველაზე რეალური კანდიდატია.

აქვე აღვნიშნოთ, რომ რამდენიმე დღის წინ, ინგლისურმა მედიამ იტალიის ნაკრებში ანტონიო კონტეს შესაძლო დაბრუნების შესახებ გაავრცელა ინფორმაცია.

რაც შეეხება კაპელოს – სანაკრებო დონეზე ინგლისსა და რუსეთს ედგა სათავეში, მაგრამ წარმატებას ვერ მიაღწია. თუმცა, საკლუბო კარიერა განსაკუთრებული ჰქონდა: “მილანი”, “რეალი”, “რომა” და “იუვენტუსი” ფაბიომ სხვადასხვა დროს საფეხბურთო მწვერვალზე რამდენჯერმე აიყვანა.

0.100961