სერბეთის ნაკრების მწვრთნელმა სლავოლიუბ მუსლინმა ავსტრიაში 2:3 წაგების შემდეგ განაცხადა, რომ ტრაგედია არ მომხდარა და მთავარი ბოლო ტურში ქართველების დამარცხებაა. შეგახსენებთ, სერბები ვენაში გამარჯვების შემთხვევაში ინაღდებდნენ რუსეთის საგზურს.

მუსლინმა საქართველოს ნაკრებზეც ისაუბრა:

“ადრეც ვთქვი, რომ საქართველო სახიფათო და არაპროგნოზირებადი გუნდია. მათ შეუძლიათ, შინ მოლდოვასთან წააგონ და საუკეთესო ნაკრებებთან გაიმარჯვონ. ჩვენს წინააღმდეგაც იგებდნენ და ასპროცენტიანი შანსი ჰქონდათ, რომ 2:0 გაეხადათ ანგარიში. მეტი დისციპლინა, კონცენტრაცია და მჭიდრო თამაში გვმართებს. ვენაში ეს გვაკლდა, ხოლო ქართველებთან საუკეთესო თვისებებს თუ გამოვავლენთ, აუცილებლად მოვიგებთ”.