საქართველოს 16-წლამდე ფეხბურთელთა ნაკრები 2013 წლის 4 დეკემბრიდან 8 დეკემბრის ჩათვლით საწვრთნელ შეკრებას გაივლის, ხოლო 10-12 დეკემბერს მოზარდი “ჯვაროსნები” ქალაქ ტრაბზონში თურქ თანატოლთა წინააღმდეგ ორ ამხანაგურ მატჩს გამართავენ.

თბილისის “დინამოს” ოფიციალური ვებ-გვერდის ცნობით, ნაკრებში მიწვეულ ფეხბურთელთაგან შვიდი დინამოელია. საქართველოს 16-წლამდელთა გუნდში ლევან ისიანი, ნიკა ყურშავიშვილი, ლუკა ლოჩოშვილი, ლუკა ფოჩხუა, გიორგი ლორია, ნურლან სეიდოვი და ერეკელე მალაზონია არიან გამოძახებულნი.