საფრანგეთის ეროვნული ნაკრების შემტევი ანტონი მარსიალი "მანჩესტერ იუნაიტედის" გულშემატკივრებმა სექტემბრის თვის საუკეთესო ფეხბურთელად დაასახელეს. აღნიშნული ინფორმაცია კლუბის ოფიციალურმა ვებგვერდმა გაავრცელა.

მარსიალმა გამოკითხვის შედეგად ხმების 41% მიიღო, მეორე ადგილზე რომელუ ლუკაკუ (31%) გავიდა, ხოლო მესამეზე - მარუან ფელაინი.

გასულ თვეში მარსიალმა 6 მატჩი ჩაატარა, გაიტანა 3 გოლი და 4 საგოლე გადაცემა შეასრულა. ასევე ფრანგი ორჯერ დაასახელეს მატჩის საუკეთესო ფეხბურთელად.