ეგვიპტის ეროვნული ნაკრების შემტევი მოჰამედ სალაჰი "ლივერპულის" გულშემატკივრებმა სექტემბრის თვის საუკეთესო ფეხბურთელად დაასახელეს. აღნიშნული ინფორმაცია "მერსისაიდელთა" ოფიციალურმა ვებგვერდმა გაავრცელა. აფრიკელი მოთამაშე აგვისტოშიც საუკეთესოდ მიიჩნიეს.
ფეხბურთელმა მხარდამჭერთა ხმების 43% მიიღო, მეორე ადგილზე კი ფილიპე კოუტინიო (23%) გავიდა. გასულ თვეში სალაჰმა ხუთი მატჩი ჩაატარა და სამი გოლი გაიტანა. მოჰამედმა თავი "ლესტერთან", "ბარნლისთან" და "სევილიასთან" გამოიჩინა.
