იტალიური “მილანი” ახალგაზრდა მცველის ანდრეა კონტის შემცვლელს ეძებს და იანვარში “ბარსელონადან” ესპანელი მარჯვენა მცველის ალეიშ ვიდალის დამატებას გეგმავს.

Calciomercato-ს ინფორმაციით, “როსონერი” მზადაა კატალონიურ კლუბს 28 წლის მოთამაშის სანაცვლოდ 15 მილიონი ევრო შესათავაზოს და ვიდალი ზამთრის სატრანსფერო ფანჯარის დროს დაიმატოს, რადგან კონტის ტრავმის გამო 6 თვე გაუცდება.

ვიდალი “ბარსაში” ამ ეტაპზე სათამაშო დროის ნაკლებობას განიცდის და თავადაც არ გამორიცხავს სხვა გუნდში გადასვლის ვარიანტს. ფეხბურთელმა მიმდინარე სეზონში ყველა ტურნირის ჩათვლით 7-ჯერ მოირგო “ბლაუგრანას” მაისური.