სლოვაკეთის ფორტუნა ლიგაში მორიგი გოლი გაიტანა გიორგი ბერიძემ. საქართველოს 21-წლამდელთა ნაკრების შემტევმა თავი მე-11 ტურში, "ტრენჩინისა" და "ზლატე მორავცეს" მატჩში გამოიჩინა. აღნიშნული თამაში მასპინძლებმა 3:0 მოიგეს, ხოლო გიორგიმ 78-ე წუთზე სტუმართა რბევას წერტილი დაუსვა.

ბერიძემ შეუცვლელად ითამაშა. ქართველი ფეხბურთელის ანგარიშზე 10 შეხვედრაში 4 გოლია, მათ შორის სამი ბურთი უკანასკნელ ორ მატჩში გაიტანა. აქვე გეტყვით, რომ "ზლატე მორავცეს" თბილისის "დინამოს" ყოფილი თავკაცი იურაი იარაბეკი უდგას სათავეში.

"ტრენჩინს 11 ტურის შემდეგ 15 ქულით მეექვსე პოზიცია უკავია.