საქართველოში სტუმრობა არ გამორჩენიათ კევინ კურანის, მასიმო ოდოსა და ივან რამირო კორდობას. მათი სოციალური ქსელის ერთგვარ მიმოხილვას გაერთიანებულად გთავაზობთ.
გერმანელი ფორვარდი თავის ოფიციალურ გვერდზე ფოტოკოლაჟს აქვეყნებს სათაურით "მსოფლიოს ვარსკვლავები საქართველოსთვის - საქველმოქმედო მატჩი".
მილანის "ინტერის" ლეგენდარული მცველი ივან კორდობა კი წერს: "ბედნიერი ვარ საქართველოსთვის თამაშისთვის. მადლობა კახა კალაძეს მოწვევისთვის".
ბოლო ერთი დღის განმავლობაში ყველაზე დიდი აქტიურობით მასიმო ოდო გამოირჩა. იტალიელის გვერდზე რამდენიმე პოსტს ვხვდებით. თავდაპირველად მასიმო აქვეყნებს ფოტოს თვითმფრინავიდან და წერს: "თბილისში ვართ. სულ მალე მოედანზე შევხვდებით".
შემდეგ უკვე თბილისში, სასტუმროში გადაღებულ ფოტოს ასე ასათაურებს: "სრული ჯგუფი. შეგიძლიათ მიპოვოთ?".
მასიმო თამაშის დაწყებამდეც აქვეყნებს ფოტოს სოციალურ ქსელში ბრაზილიელ კაფუსთან ერთად: "რამდენ კილომეტრს გაირბენს ფლანგზე ჩემი მეგობარი?".
ამას მოჰყვა ლუკა ტონისთან ერთად გადაღებული ფოტო რესტორნიდან, წარწერით "დუბლის ავტორი და "ფაქტობრივად გოლის" ავტორი. რომელი რომელია?".
დაბოლოს, თამაშის შემდეგ დაპოსტა: "რამდენად გაერთეთ? მსოფლიოს ვარსკვლავების გუნდი 6:5 გამარჯვების შემდეგ. მადლობა კახა კალაძე მოწვევისთვის".
