გერმანულ საკლუბო ფეხბურთს კატასტროფული დღეები ჰქონდათ ევროტურნირებზე. საქმე ისაა, რომ ბუნდესლიგის 6 წარმომადგენელი ჩემპიონთა და ევროპა ლიგაზე დამარცხდა.

ერთ ტურში გერმანიის 6 გუნდი ევროსარბიელზე აქამდე 1981 წელს დამარცხებულიყო. აღსანიშნავია, რომ 36 წლის წინ, ალემანებმა ექვსივე თამაში ერთ დღეს წააგეს, ამჯერად კი მათი ფიასკო სამ დღეზე იყო გაწერილი.

26 სექტემბერს, ჩემპიონთა ლიგაზე “ლაიფციგი” “ბეშიქთაშთან” (0:2), “დორტმუნდი” კი “რეალთან” (1:3) დამარცხდა. ამას მოჰყვა 27 სექტემბერს, “ბაიერნის” განადგურება პარიზში, პსჟ-სთან (0:3), ხოლო ყველაფერი ევროპა ლიგაზე წარუმატებლობით დაგვირგვინდა:

“ჰოფენჰაიმი” “ლუდოგორეცს” ვერ გაუმკლავდა სტუმრად (1:2), “კიოლნი” შინ “ცრვენა ზვეზდასთან” დამარცხდა (0:1), ბერლინის “ჰერტა” გასვლაზე “ოსტერსუნდთან” დარჩა ხელმოცარული (0:1).

მოკლედ, ბუნდესლიგამ სერზიოზული დარტყმა მიიღო. სხვათა შორის, ეს უკვე აისახა უეფას რეიტინგზე და გერმანიის ჩემპიონატმა მესამე ადგილიც დაკარგა, რომელსაც ახლა იტალიის სერია A იკავებს.