მადრიდის “რეალის” სამედიცინო შტაბი ეჭვობს, რომ გარეთ ბეილს სერიოზული ტრავმა აქვს. უელსელი შემტევი “დორტმუნდთან” შეცვალეს. იმ შეხვედრაში, როგორც იცით, მან გოლი გაიტანა.

ბეილი ოთხი წლის წინ გადავიდა “რეალში” და 17-ჯერ მიიღო ტრავმა, მათ შორის, უმეტესობა კუნთს უკავშირდება.

ბუნებრივია, გარეთ ბეილი იმ 23 ფეხბურთელს შორისაა, რომლებიც უელსის ნაკრების მწვრთნელის, კრის კოულმენის სიაში მოხვდნენ. უელსელები 6 ოქტომბერს თბილისში საქართველოსთან ითამაშებენ, 9-ში კი ირლანდიას მასპინძლობენ.

ტრავმა თუ სერიოზული იქნება, ბეილი თბილისში ვერ ჩამოვა. უელსელს ხვალ შეამოწმებენ.