ჯანო ანანიძე ჩემპიონთა ლიგის მეორე ტურში “ლივერპულის” წინააღმდეგ ვერ ითამაშებს. აღნიშნული ინფორმაცია “სახალხო გუნდის” მთავარმა მწვრთნელმა მასიმო კარერამ დაადასტურა.
იტალიელი სპეციალისტის განცხადებით, ინგლისურ გრანდთან “სპარტაკი” ქვინსი პრომესის, დენის გლუშაკოვისა და ჯანო ანანიძის გარეშე ითამაშებს.
სამივე ფეხბურთელს ტრავმა აწუხებს და მხოლოდ ინდივიდუალური პროგრამით ვარჯიშობენ. ჯანო პრემიერლიგის ბოლო ტურში “ანჟისთან” შეხვედრაში დაშავდა.
აღსანიშნავია, რომ ტრავმის გამო ქართველ ფეხბურთელს ჩემპიონთა ლიგის პირველი ტურიც გაუცდა სლოვენიური “მარიბორის” წინააღმდეგ.
