მიუნხენის “ბაიერნის” მთავარმა მწვრთნელმა კარლო ანჩელოტიმ ჩემპიონთა ლიგის ჯგუფური ეტაპის სტარტზე “ანდერლეხტთან” მოგებული მატჩის (3:0) შემდეგ განაცხადა, რომ მის გუნდს უკეთესად თამაში შეუძლია.
“ჩვენ გვინდოდა გამარჯვება და გავიმარჯვეთ კიდეც, თუმცა გაცილებით უკეთესად თამაში შეგვიძლია. ეს არ იყო სრულყოფილი მატჩი, მიუხედავად იმისა, რომ ბურთი ჩვენი კონტროლის ქვეშ იყო. დღეს ჩვენ 100%-ით ვერ დავიხარჯეთ, მაგრამ ამ ეტაპზე საკმარისია”, - განაცხადა ანჩელოტიმ “ბაიერნის” ოფიციალურ ვებგვერდთან საუბრისას.
